طريقة عمل مخلل الخيار

[بسمة بني هاشم]

طريقة عمل مخلل الخيار

نجيب كيلو خيار رفيع وصغير ومقطقط
ونحضر خلطة 10 فصوص توم صينى وملعقة شطه
ونحطهم فى مدقه خشب مع معلقة ملح صغيره وندقهم بزمه وضمير
وبعدين نحط عليهم ربع كوباية خل ونسيبهم على جنب
نحضر مية التمليح بتركيز 10% يعنى كيلو الملح على 10 لتر ميه ...
وطبعا حسب كمية التخليل يعنى لتر الميه عليه 100 جرام ملح ...
أو نص كوباية ملح على 2 لتر ميه ... أظن واضحه أوى ..ومن غير بيضه
نخلط الدقه اللى عملناها على الخيار فى البرطمان ونصب عليهم الميه المملحه
ونسيبه 48 ساعه هاتلاقيه استوى ...
اهم حاجه بعد اليومين دول يدخل البرطمان التلاجه علشان نوقف تدهور الخيار
والا هايبقى طرى بعد يوم تانى ومش حلو
لكن فى التلاجه هايفضل مستوى وبيقرش و 100%
ومساء الفل

منقول

[الهاشمية القرشية]

لذيذ مخلل الخيار مشكورة يا قلبي